15 Sentyabrda ABŞ-da fəaliyyət göstərən Qarabağ Fondunun www.karabakhfoundation.org ünvanında yerləşən veb səhifəsi xaker hücumuna məruz qalıb. Qurumdan ANS PRESS-ə daxil olan məlumata görə, DDOS hücum nəticəsində Fondun saytı tamamilə dağıdılıb. İlkin araşdırma nəticəsində məlum olub ki, haker hücumu Ermənistan ərazisindən həyata keçirilib. Qısa müddət ərzində fondun səhifəsi işini bərpa edib. Yenidən haker hücumu gözlənildiyi üçün Fondun texniki təhcizat şöbəsi gücləndirilmiş iş rejiminə keçib.

Qeyd edək ki, son zamanlar Qarabağ Fondu dəfələrlə Ermənistan mətbuatında tənqid atəşinə tutulur.

Qarabağ Fondu ABŞ-da yaradılmış və mərkəzi ofisi Vaşinqton şəhərində yerləşən qeyri hökumət təşkilatıdır. Bu təşkilat ABŞ-da QHT-lərə verilən yüksək 501 (C) 3 statusuna sahibdir. Fondun əsas məqsədi Azərbaycan, onun Qarabağ bölgəsi və bütünlükdə Qafqazı amerikalılara tanıtmaq, Azərbaycan mədəniyyəti və musiqisini Amerikada tərənnüm və təbliğ etməkdən ibarətdir. Buna nail olmaq üçün Qarabağ Fondu ABŞ-da müxtəlif sərgi, ictimai proqram, forum və mübadilə proqramlarının həyata keçirir.

Azərbaycan təhsil nazirinin müavinləri vəzifələrindən azad ediliblər.Təhsil Nazirliyinin mətbuat xidmətinin rəhbəri Bayram Hüseynzadənin APA-ya verdiyi məlumata görə, nazir müavinləri İradə Hüseynova, Elmar Qasımov və İsgəndər İsgəndərov prezident İlham Əliyevin sərəncamı ilə işdən azad olunublar.

Nazirliyin Beynəlxalq Əlaqələr İdarəsinin rəisi Qulu Novruzov nazir müavini təyin olunub. Digər iki müavin yeri isə hələlik boşdur.

Xidməti silahla döyüş bölgəsini tərk etmiş 2 əsgər saxlanılıb. Polis ətraf ərazilərdə, postlarda apardığı yoxlamalar öz nəticəsini verib. Belə ki, 20 yaşlı Vüsal Əlizadə və 20 yaşlı Hüseyn Ramazanov Tərtər rayonu ərazisində saxlanılıb.

Qeyd edək ki, adıçəkilən şəxslər xidmət etdikləri hərbi hissəni bu gecə özbaşına tərk edib.

Xorvatiyanın cənubundakı Knin şəhəri yaxınlığında meşə yanğını köhnə kazarmalardan birinə keçib. Kazarmanın anbarında mərmilər partlamağa başlayıb. Məlumatı Xorvatiyanın Hina agentliyi yayıb.

Dövlət Xilasetmə Jidməti hadisə yerindən 5 klometr radiusda əhalinin evakuasiyasına başlayıb. Təhlükəli ərazidən uzaqlaşdırılanların əksəriyyəti nin şəhərindəki idman mərkəzinin binasında yerləşdirilib. İlkin məlumatlara görə, fövqəladə vəziyyət nəticəsində xəsarət alan olmayıb.

Planetin 7 milyardlıq əhalisinin 210 milyon nəfəri narkotikdən istifadə edir. Narkomanların 47 milyonu Latın Amerikası ölkələrində yaşayır. Bunu Ümumdünya Səhiyyət Təşkilatının Meksikadakı nümayəndəliyinin rəhbəri Filipp Lami Mexikoda keçirilən konfransda bəyan edib.

ÜST nümayəndəsinin sözlərinə görə, Meksikada narkomanların sayı 1,2 milyon nəfərə çatıb. İnsanların narkotikdən istifadəyə başladığı orta yaş həddi 12-17-dir. “Son illər narkomanlar QİÇS-ə yoluxma hallarının sayının artmasının əsas səbəbidir. Ümumi şprislərdən venadaxili istifadə 90 faizədək QİÇS-ə yoluxma ilə nəticələnir”, – Filipp Lami bildirib.

Yunan-Roma güləşi üzrə İstanbulda keçirilən dünya çempionatının ikinci günü Azərbaycan ikinci olimpiya lisenziyasını qazanıbr. Onun sahibi Saman Təhmasibi (84 kiloqram) olub.

İdmançımızın dörddə bir finalda məğlubiyyətinə baxmayaraq, onun olimpiya lisenziyası qazanmaq imkanı yaranıb. Belə ki, Azərbaycan güləşçisinin Belarusdan olan rəqibi Albert Səlimov finala çıxıb.

Türkiyənin daxili işlər naziri İdris Naim Şahin bəyan edib ki, onun ölkəsinin quru qoşunları İraq ərazisinə daxil olmağa hazırlaşır. Muxbir.com «Reuters»ə istinadən bildirir ki, yekun qərar İraqın rəsmi şəxsləri ilə danışıqların yekunundan sonra veriləсək.

“Yerüstü əməliyyatlar istənilən an başlaya bilər”,- deyə Şahin vurğulayıb və əlavə edib ki, Türkiyə artilleriyası və hərbi hava qüvvələri şimali İraqda PKK terrorçularının mövqelərinə zərbələr endirəсək.

Son günlərdə rəsmi Ankara təmsilçiləri Bağdada bir neçə dəfə səfər edib və İraq rəhbərliyindən kürd döyüşçülərinə qarşı сiddi addımlar atmağı tələb edib. Anсaq Bağdad ölkənin şimalına nəzarət etmək imkanında deyil.

Türkiyə müşahidəçilərinin fikrinсə, İraqa hüсum istənilən an başlaya bilər. Rəсəp Tayyib Ərdoğan da Qahirəyə səfərə çıxmazdan öncə Türkiyə Müdafiə Nazirliyi və Silahlı Qüvvələri Baş Qərargahı ilə uzun sürən məsləhətləşmələr aparıb.

Tailandda keçirilən parlament seçkilərində müxalifət qalib gəlib. Tailandın baş naziri Abhisit Vetçaçiva məğul olduğunu etiraf edib və qalib partiyanı qələbə münasibətilə təbrik edib.

Qeyd edək ki, qalib müxalifət partiyasına devrilmiş baş nazirin bacısı Taksin Çitavata Yinqluk rəhbərlik edir. T. Ç. Yinqluk Tailand tarixində baş nazir postunu tutan ilk qadındır.

BBC-nin məlumatına görə, “Pxıa Txai” partiyası parlament olan 500 yerin təxminən yarısına sahib olacaq.

Rusiyanın raket əleyhinə müdafiə (RƏM) sahəsinə dair etdiyi təkliflər NATO-nu qane etmir. Rusiya və NATO-nun RƏM sahəsindəki əməkdaşlıqdan əldə etdikləri hərbi və siyasi nəticələr olduqca əhəmiyyətli ola bilər, amma sürətli nəticələri gözləməyə dəyməz. Bu açıqlamala ilə iyulun 4-də Soçi şəhərində keçiriləcək Rusiya-NATO Şurasının toplantısından öncə təşkil edilmiş brifinqdə alyansın baş katibi Andres Foq Rasmussen çıxış edib.

“Birgə əməkdaşlıq üçün potensial böyükdür. Hərbi nöqteyi-nəzərdən genişlənmiş əməkdaşlıq və transtərəfdaşlıq əlaqələrinin nəticələrini mühüm qiymətləndirmək olar. Amma siyasi nöqteyi-nəzərdən RƏM üzrə razılaşmaya yanaşma isə bizim bir-birimizi necə görməyimiz və bir-birimizlə neçə işləməyimizi köklü şəkildə dəyişdirə bilərdi. Bu, olduqca həssas problemidir, ona görə tez bir nəticənin əldə olunmasını gözləməyə dəyməz”,- deyə NATO baş katibi əlavə edib.

Belarusda sosial şəbəkələrə giriş qadağan edilib. Bu təşəbbüs Müstəqillik günündə hər hansı bir nümayişin keçirilməsinin qarşısını almaq məqsədi ilə həyata keçirilib. Belarus kütləvi informasiya vasitlərinin verdiyi məlumata görə, müvafiq açıqlama ilə ölkənin hüquq-mühafizə orqanları çıxış ediblər.

Qeyd edək ki, bu gün Belarus Müstəqillik gününü qeyd edir və paytaxt Minskdə hərbi parad təşkil edilib. Bayram münasibəti ilə çıxış edən Belarus prezidenti Aleksandr Lukaşenko deyib ki, internet vasitəsi ilə idarə edilən kütləvi nümayişlər onun hakimiyyətinin devrilməsinə yönəlib: “Buna heç vaxt imkan vermərəm”.

Belarus KİV-i isə yazır ki, hərbi parad vaxtı onlarla müxalifət tərəfdarları saxlanılıb. Onlar arasında postsovet dövrünün ilk belaruslu lideri Stanislav Şuşkeviç də olub. Lakin o sonradan sərbəst buraxılıb.